A nova tempada 2024-2025 xa está aquí e tras dar comezo a pasada semana aos adestramentos dos equipos de fútbol-11, a partir do próximo luns 2 de setembro tamén iniciarán a nova campaña os equipos de fútbol-8.
Coincidindo con estas datas o noso club organizará unha vez máis as súas xornadas de libre acceso para completar os seus equipos para este novo curso deportivo. Así, salvo para a categoría benjamín que xa está completa, para o resto de equipos aínda quedan prazas libres na nosa Escola de fútbol e é por iso que o club organiza estas novas xornadas de proba e como promoción do deporte as cales son gratuítas para que os nenos/as interesados poidan probar no noso club e logo decidir libremente se se inscriben nos equipos.
Estas xornadas de libre acceso á ADC Sacro Corazón desenvolveranse desde hoxe luns 26 de agosto e ata o luns 30 de setembro coincidindo cos horarios de adestramentos dos diferentes equipos. As prazas son limitadas xa que se irán completando os equipos cos xogadores/as interesados.
Os adestramentos están dirixidos por técnicos formados e que contan con titulación oficial e estas xornadas de proba levaranse a cabo nos campos municipais José María Rodríguez Lago en As Gándaras (Lugo).
Inscricións
Todos os nenos/as interesados e que queiran probar nestas xornadas gratuítas poden facelo inscribíndose a través do código QR presente no cartel desta actividade ou na seguinte ligazón: https://lc.cx/E9WyRF
Para máis información:
- Teléfono do club: 636 31 15 16
- Correo electrónico: club@adcsagradocorazon.es
