Un paso máis no noso torneo. Ese podería ser un dos titulares do VI Torneo Internacional Semana Santa Trofeo Lugo Express. E é que esta edición do campionato foi un punto de inflexión a nivel organizativo e deportivo. O salto a nivel cualitativo e deportivo foi unha vez máis moi importante e a nivel cuantitativo a presenza do público foi enorme. E é que un total de 48 equipos de 35 equipos diferentes participaron no torneo, con 605 nenos e nenas participantes e máis de 2000 persoas as que se deron cita durante os dous días de competición para presenciar os 134 partidos disputados e os 509 goles anotados.
O outro titular acapárano os campións: RC Celta de Vigo en alevíns e Vitória SC en benxamíns. Os vigueses venceron na gran final ao CD Lugo (0-4) mentres que os portugueses derrotaron ao Bertamiráns FC (0-2).
E no aspecto individual o trofeo de mellores xogadores foi para Santiago Lemos (Vitória SC) en benxamíns e Lucas Egwuagu (RC Celta de Vigo) en alevíns, mentres que no de mellores porteiros, Yago Alonso (Bertamiráns FC) e Unai García (CD Lugo), respectivamente, foron os premiados.
Resultados
Todos os resultados do torneo pódense coñecer na web oficial do evento: https://www.copafacil.com/lugo2026
Clausura
Para entregar os diferentes trofeos e deste xeito clausurar o evento tras a disputa das dúas finais e coñecer así aos campións, acudiron o Xerente da empresa de transportes Lugo Express, José Luis Roibás, o Concelleiro de Deportes e Xuventude do Concello de Lugo, Jorge Bustos, o Vicepresidente da Deputación Provincial de Lugo e Responsable da Área de Deportes, Efrén Castro, o Director Territorial de Política Social e Igualdade da Xunta de Galicia en Lugo, Óscar Viñas, e o Concelleiro de Infraestruturas Urbanas do Concello de Lugo, Alexandre Penas.