Comezo da pretempada: 10 de agosto

Este vindeiro luns 10 de agosto é a data sinalada polo club para o comezo da pretempada dos diferentes equipos da ADC Sagrado Corazón. Ás 19:30 horas e no campo 2 de As Gándaras, darán comezo aos seus adestramentos os equipos xuvenil, cadete e infantil. Tras unha reunión previa co novo Coordinador das Escolas, Pablo Iglesias, o novo preparador físico, Dani Díaz, así como os diferentes adestradores destes equipos e membros da Xunta Directiva, comezará o traballo de pretempada explicando o desenrolo da tempada deportiva 15-16 así como a súa planificación.

Para esta campaña os adestradores dos diferentes equipos serán:
    – Equipo xuvenil: José Flores como técnico e Pablo Iglesias como adestrador axudante
    – Equipo cadete: Pablo Iglesias como adestrador e Dani Díaz como técnico axudante.
    – Equipo infantil: Andrés Rochela como técnico e Diego Anido como adestrador axudante.

Pola súa banda Dani Díaz será o encargado da preparación física destes tres equipos.

1 de setembro, comezo para o resto de equipos
O resto de equipos da nosa Escola, os de fútbol-8 (alevíns, benxamíns, prebenxamíns e iniciación) darán comezo á tempada deportiva 15-16 o vindeiro martes 1 de setembro ás 18:00 horas no campo 2 de As Gándaras. Os técnicos que dirixirán a estes equipos son: Pablo Iglesias, Dani Díaz, Diego Anido, Jonahan Rodríguez “Jony”, Santi Fernández, Borja Figueras “Pipita” e José Flores.