Por segundo ano consecutivo o DéporCampus celebrarase en Lugo. Deste xeito unha actividade tan demandada como son os campus de verán específicos de fútbol regresa a Lugo da man da Fundación RC Deportivo e do RC Deportivo de La Coruña e elixiron de novo ao noso club, a ADC Sagrado Corazón, como coorganizador do evento.
Lugo convértese por tanto nunha das 16 sedes actuais deste prestixioso campus e as datas de celebración do mesmo serán do luns 22 ao venres 26 de xuño en horario de mañá e novamente nos Campos Municipais José María Rodríguez Lago situados en As Gándaras.
A actividade estará dirixida a nenos e nenas de 6 a 14 anos, en horario de 10:00 a 14:00 horas e as inscricións abriranse a partir da próxima semana. Os adestradores estarán desde as 09:30 horas na instalación para recibir aos participantes.
Que inclúe?
A inscrición por parte dos participantes ao campus daralles dereito a:
- Seguro de accidentes deportivos.
- Un equipamento deportivo (deseño RC Deportivo) composto de camiseta, pantalón e medias.
- Xantar (auga e froita).
- Diploma.
- Sorteo de agasallos
Prezos e inscricións
A tarifa xeral e por tanto o prezo da actividade será de 145 €, con desconto de 20 € para os xogadores e xogadores do noso club, así como para outros casos que se poden consultar na páxina web onde se poderán realizar tamén as inscricións oficiais: https://deporcampus.rcdeportivo.es/es/lugo-2026
O prazo de inscrición pecharase o martes 16 de xuño ás 12.00 horas ou anteriormente no caso de que se alcancen o número máximo de prazas ofertadas.
Cabe destacar que na edición do pasado ano, na primeira que a Fundación RC Deportivo realizaba o seu campus en Lugo, contou coa participación de máis de 80 nenos e nenas.
Obxectivos
Este Campus, un dos que máis tradición ten na nosa comunidade galega, é o evento perfecto para a melloría dos xogadores nunha época onde ademais veñen de finalizar o seu curso escolar. Entre outros moitos obxectivos están os de:
- Aprender e desenvolver a coordinación a través de xogos coordinativos.
- Aprender as habilidades e conceptos na relación co corpo.
- Aprender as habilidades e conceptos na relación co balón.
- Traballar os fundamentos técnico-tácticos cunha metodoloxía analítica.
- Competir e desfrutar mediante partidos en diferentes espazos.
- Transmitir os valores que representa o Dépor: RESPECTO, SOLIDARIEDADE, AMIZADE, XOGO LIMPO, INTEGRACIÓN, ESFORZO E FELICIDADE.
Para acadar eses obxectivos, estes son os contextos de ensino utilizados durante o campus:
- Circuítos coordinativos.
- Xogos de relación con balón.
- Habilidade con balón.
- Desafíos técnicos.
- Xogos de posición.
- Partidos reducidos / minipartidos.
- Xogo real. Competición / Liga interna.